“Ordu quruculuğu sahəsində əldə edilmiş uğurun ilk qığılcımı Ulu Öndər Heydər Əliyevin rəhbərliyi ilə həyata keçirilmiş məşhur Horadiz əməliyyatı oldu”. Xalqcəbhəsi.az xəbər verir ki, bunu Milli Məclisin sədr müavini Adil Əliyev deyib: “Nəticədə Ermənistan 1994-cü ildə Azərbaycanla atəşkəs razılaşmasını imzalamağa məcbur oldu.
Atəşkəs razılaşması o zaman Azərbaycanın iqtisadi-siyasi və digər baxımlardan nəfəs dərməsi və özünə gəlib toparlanması, beynəlxalq münasibətlər sistemində öz layiqli yerini formalaşdırması üçün olduqca zəruri idi”.