Şərqi Azərbaycan əyalətinin Sufyan bölgəsinin Tırb kəndində yerləşən tarixi qala və qəbiristanlıqda qanunsuz qazıntı işləri aparılıb.

Xalqcebhesi.az xəbər verir ki, bu barədə yerli mənbələr məlumat yayıb.

Məlumata görə, aparılan qazıntılar zamanı bölgədə olan qoç fiqurları və başqa əsərlər oğurlanıb, tarixi Qız qalasına ziyan vurulub.

Yerli mədəni fəallar bundan əvvəl tarixi abidələrin qorunması üçün əlaqədar dövlət qurumlarına müraciətlərinin cavabsız qaldığını bildiriblər.

Qeyd edək ki, 3 min ilə yaxın keçmişi olan Tırb kəndinin yaxınlığında yerləşən Qız qalası Elxanilər dövründə də əhəmiyyətli hərbi istehkam kimi məşhur olub.

Mədəni fəallar həmin əsərlərin bir neçəsinin Tehran və İsfahan muzeylərinə aparıldığını qeyd ediblər.