Təbrizin "Azaranjoman" xəbər saytının verdiyi məlumata görə, Mərkəzin Elm, Araşdırma və Texnologiya Nazirliyinin tabeliyində olan 103 dövlət universiteti 104 göstərici əsasında araşdırılıb.

Təbriz Universiteti bu sıralamada ilk 10-luğa daxil olub.

Qeyd edək ki, Təbriz Universiteti 70 ildən çoxdur fəaliyyət göstərir. Təməli 1945-ci ildə Pişəvərinin başçılıq etdiyi Milli Hökumət tərəfindən qoyulan Universitet 20-dən çox institut, bir neçə elmi-tədqiqat mərkəzi və 800 nəfərlik müəllim heyətinə malikdir.

20 mindən çox tələbəsi olan Universitet bütün ayrı-seçkiliklərə və məhdud imkanlara baxmayaraq, beynəlxalq səviyyədə seçilən ali məktəblərdən və ölkənin ən etibarlı elm ocaqlarından biridir.

Gunaz.tv