Türkiyənin təhlükəsizlik qüvvələri PKK terror təşkilatının xüsusilə təhlükəli üzvü Əbdülkərim Yılmazı saxlayıb.

Trend Türkiyə KİV-lərinə istinadən xəbər verir ki, terrorçu Türkiyə Milli Kəşfiyyat Təşkilatının (MİT) İraqın şimalında keçirdiyi xüsusi əməliyyat nəticəsində saxlanılıb və ölkəyə gətirilib.

2015-ci ildən axtarışda olan terrorçu Türkiyənin cənub-şərqindəki Hakkari vilayətinin Şemdinli rayonunda PKK/KCK-ya yardım etməkdə ittiham olunurdu.

O, axtarışa verildikdən sonra qanunsuz olaraq İraqa keçmişdi.