Yəmənin husi üsyançı hərəkatı Ənsar Allah Qırmızı dənizdə ABŞ-a aid olduğu müəyyən edilən “Star İris” ticarət gəmisinə hücum edib.

Bu barədə hərəkatın hərbi nümayəndəsi Yəhya Səriya bildirib.

"Yəmən donanması Qırmızı dənizdə Amerikanın "Star İris" gəmisinə hücum etmək üçün gəmi əleyhinə raketlərdən istifadə edib. Zərbə birbaşa və dəqiq olub", - Səriya Husilərin nəzarətində olan Al Masirah telekanalında deyib.

Bundan əvvəl Böyük Britaniya Dəniz Ticarət Əməliyyatları (UKMTO) adı açıqlanmayan ticarət gəmisinə Moça liman şəhərindən 40 dəniz mili cənubda hücum edildiyi barədə məlumat vermişdi. İdarənin məlumatına görə, gəmiyə doğru iki raket atılıb, lakin ekipaj xəsarət almayıb.

Cavid