Rusiya prezidenti Vladimir Putin KXDR-in Dövlət Şurasının sədri Kim Çen Ina göndərdiyi Yeni il təbrikində Pxenyanla əməkdaşlığın iki ölkə xalqlarının fundamental maraqlarına cavab verdiyini bildirib.

Bu barədə Koreya Mərkəzi Xəbər Agentliyi (KCNA) məlumat yayıb.

Onun sözlərinə görə, təbrik məktubu dekabrın 17-də göndərilib. Putin qeyd edib ki, Rusiya Federasiyası ilə KXDR arasında iyunda keçirilən sammit Rusiya-Koreya münasibətlərini keyfiyyətcə yeni səviyyəyə qaldırıb.

“Hərtərəfli Strateji Tərəfdaşlıq Sazişi bütün mühüm sahələrdə qarşılıqlı faydalı əməkdaşlığın əsaslı şəkildə genişləndirilməsi üçün şərait yaradıb”, - KCNA təbrikin məzmunundan sitat gətirib.

"Mən əminəm ki, qarşıdan gələn 2025-ci ildə biz bu tarixi razılaşmanın həyata keçirilməsi üçün sıx qarşılıqlı işi davam etdirəcəyik və müasir təhdid və çağırışlarla mübarizə üçün daha da yaxın səylər göstərəcəyik”, - məktubda deyilir.

"Bu, şübhəsiz ki, Rusiya və KXDR xalqlarının əsas maraqlarına cavab verir", - təbrikdə deyilir.

Cavid