Belarus Ukraynaya hücum etmək niyyətində deyil və yalnız xarici hücuma məruz qalacağı təqdirdə müharibə aparacaq.

Bu barədə Belarus Prezidenti Aleksandr Lukaşenko ölkəsinin şimaldan Ukraynaya hücum edəcəyi və Rusiya ilə birlikdə müharibə aparacağı ilə bağlı şayiələri şərh edərkən bildirib.

"Bu mümkün deyil. Bu bizim nəyimizə lazımdır? Biz heç vaxt qarşımıza belə məqsədlər qoymamışıq. Biz yalnız bir halda müharibə aparacağıq: əgər kimsə bizə hücum edərsə. Bax onda biz bütün mümkün və qeyri-mümkün üsullarla müharibə aparacağıq. Hələlik Ukrayna bizə qarşı müharibə aparmaq niyyətində deyil", - dövlət başçısı bildirib.