ABŞ-ın qlobal idxal rüsumları qüvvəyə minib.

Xalqcebhesi.az xəbər verir ki, bu barədə ABŞ Gömrük və Sərhəd Mühafizəsi Xidməti məlumat yayıb.

Qurumun açıqlamasına görə, 24 fevral 2026-cı il tarixində ABŞ-ın şərq sahili vaxtı ilə saat 00:01-dən etibarən xaricdə istehsal olunaraq ABŞ-a gətirilən və ya anbarlardan göndərilən bütün mallara 10% rüsum tətbiq olunur. Bu tədbir 150 gün — 24 iyul 2026-cı ilədək qüvvədə olacaq.

Ağ Evin nümayəndəsi "NBC News" telekanalına bildirib ki, Vaşinqton administrasiyası qlobal idxal rüsumlarını 15%-ə qaldırmaq barədə ayrıca fərman üzərində işləyir, lakin Donald Trump tərəfindən bunun nə vaxt imzalanacağı dəqiqləşdirilməyib.

Məryəm Quliyeva