Türkiyədə son 24 saat ərzində yeni növ koronavirusdan (COVİD-19) 68 nəfər dünyasını dəyişib.

Trend-in məlumatına görə, bu barədə Türkiyənin Səhiyyə Nazirliyi bildirib.

Nazirlikdən bildirilib ki, koronavirusdan ölənlərin ümumi sayı 28 839 nəfərə çatıb.

Məlumata əsasən, ölkədə 11 322 yeni yoluxma halı qeydə alınıb, yoluxanların ümumi sayı 2 746 158 nəfərə çatıb.

Qeyd edilib ki, ötən gün koronavirusdan 7 873 nəfər sağalıb, koronavirusdan sağalanların ümumi sayı 2 601 137 nəfər təşkil edir.