Bunu “Xalq Cəbhəsi”nə Gürcüstan Naminə Siyasi Partiyasının sədri Fazil Əliyev bildirib.
Onun sözlərinə görə Tbilisi şəhəri Poniçala qəsəbəsində və Marneuli şəhərində İslam adı altında dini mədrəsələr fəaliyyətdədirlər: “Hər ikisi İrana tabedir, oradan idarə olunurlar. O mədrəsələrdən birinin rəhbəri İran vətəndaşıdır – Həsən Yusifzadə. Övladlarımızın psixologiyasını pozurlar, onları məktəblərdən, elmdən, təhsildən uzaqlaşdırırlar”.
Partiya sədri bildirib ki, bu mədrəsələrin fəaliyyətinin qaraşdırılması ilə bağlı artıq ölkənin Təhlükəsizlik Naziri Liluaşviliyə müraciət ünvanlanıb: “Gəncləri, məktəbliləri dini təhsil adı altında ora cəlb edirlər, ancaq agentura şəbəkəsi kadrları hazırlanır. Həmin mədrəsələrdə oxuyanlara söhbətləşəndə bunu hiss etmək asandır. Dini mərasim və bayramlarda tədbirlər keçirirlər, imkansızlara əl tutmaqla onları öz tərəflərinə çəkirlər”.

Cavid