Türkiyənin Sivas şəhərində sərnişin avtobusu ilə yük maşını toqquşub.

Trend-in Türkiyə KİV-lərinə istinadən verdiyi məlumata görə, qəza nəticəsində 1 nəfər ölüb, 13 nəfər isə xəsarət alıb.

Məlumata əsasən, həlak olan şəxs avtobusun sürücüsüdür.

Hadisə yerinə çox sayda təcili tibbi yardım briqadası və xilasedicilər cəlb olunub. Yaralılar yaxınlıqdakı xəstəxanalara çatdırılıb. Onlardan ikisinin vəziyyəti ağırdır.

Hüquq-mühafizə orqanları qəzanın səbəbi ilə bağlı araşdırmalara başlayıb.