Dezinfeksiya zamanı istifadə edilən maddələrin ətraf mühitə az da olsa təsiri var.
Trend-in məlumatına görə, bunu Ekologiya və Təbii Sərvətlər Nazirliyinin Dövlət Ekoloji Təhlükəsizlik Xidmətinin rəisi Hikmət Əlizadə Nazirlər Kabineti yanında Operativ Qərargahın brifinqində deyib.
Onun sözlərinə görə, flora və faunaya az təsir etməsi üçün dezinfeksiya məhlulunun tərkində xlorun az istifadə edilməsi barədə razılıq əldə edilib.
H.Əlizadə əlavə edib ki, koronavirusun heyvandan insanlara keçməsi hələ 100 faiz təsdiqini tapmayıb.
O bildirib ki, tibbi tullantılar utilizasiya zamanı 800-1200 dərəcədə yandırılır və bu halda onun mənfi təsirləri qalmır.