Yaponiya Rusiyanı BMT Nizamnaməsini pozmaqda ittiham edir və mümkün sanksiyalar tətbiqini nəzərdən keçirir.
APA-nın UNİAN agentliyinə istinadən verdiyi məlumata görə, yüksək vəzifəli yaponiyalı məmur hazırda Moskvaya qarşı tətbiq oluna biləcək müxtəlif variantların müzakirə olunduğunu və qərar verilərsə, sanksiyaların tətbiq olunacağını bildirib. Yerli "Nikkei" qəzeti bu sanksiyaların ABŞ və Avropa Birliyi tərəfindən tətbiq olunacaq sanksiyalara bənzər olacağını yazıb.
Yaponiyanın baş naziri Sindzo Abe Rusiyanın Krımı ələ keçirməsinin BMT Nizamnaməsinin pozulması olduğunu vurğulayıb.