Bu gün Xocalı faciəsini yad edən bütün Azərbaycan xalqının qəminə şərikik.

Trend xəbər verir ki, bu barədə səfirliyin "X" sosial media hesabında paylaşım edilib.

"Belə vəhşiliklərin bir daha təkrarlanmaması üçün, regionda sülhün bərqərar olması üçün çalışmaq lazimdır", - deyə paylaşımda qeyd edilib.

Qeyd edək ki, bu gün Xocalı soyqırımından 32 il ötür. 1992-ci il fevralın 25-dən 26-na keçən gecə erməni silahlı dəstələri keçmiş sovet ordusunun Xankəndi şəhərində yerləşən 366-cı alayının iştirakı ilə Xocalı şəhərini yerlə-yeksan etdi. Erməni təcavüzkarlarının Azərbaycan xalqına qarşı törətdiyi növbəti kütləvi qırğın nəticəsində 613 nəfər, o cümlədən 106 qadın, 63 uşaq, 70 qoca xüsusi amansızlıqla qətlə yetirildi, 1275 dinc sakin əsir götürüldü, 150 nəfərin taleyi isə hələ də məlum deyil. Bu soyqırımı aktı nəticəsində 8 ailə tamamilə məhv edildi, 25 uşaq hər iki valideynini, 130 uşaq isə valideynlərindən birini itirib.