ABŞ prezidenti Donald Trampın Venesuelaya qoşun göndərmək planı yoxdur.

Xalqcebhesi.az xəbər verir ki, bunu ABŞ-ın respublikaçı senatoru Markveyn Mullin CNN-ə açıqlamasında deyib.

"Xeyr, o, açıq şəkildə bildirib: Venesuelaya qoşun göndərmək planımız yoxdur. Biz sadəcə sahillərimizi qorumağa çalışırıq", - deyə senator müxbirin Vaşinqtonun Karakasa hücum planları ilə bağlı sualına cavab olaraq bildirib. O qeyd edib ki, Amerika lideri yalnız Venesuela üzərindəki hava məkanının bağlandığını elan edib.

Mullin əlavə edib ki, ABŞ-ın hərəkətləri Bolivar respublikasının xalqına qarşı yönəlməyib.

Vaşinqton Karakası narkotik qaçaqmalçılığı ilə mübarizədə kifayət qədər fəal olmamaqda günahlandırır. “The New York Times” yazır ki, Tramp MKİ-yə Venesuelada məxfi əməliyyatlar aparmaq səlahiyyəti verib. Amerika KİV-ləri dəfələrlə xəbər veriblər ki, Birləşmiş Ştatlar tezliklə respublika ərazisinə zərbələr endirməyə başlaya bilər.

Məryəm Quliyeva