ABŞ-ın Energetika Nazirliyi yanında Energetika İnformasiyası Administrasiyası (EIA) OPEC (Neft İxrac Edən Ölkələr Təşkilatı) ölkələrinin 2021-ci il üçün gündəlik xam neft hasilatı üzrə proqnozunu azaldıb.

"APA-Ecocomics"in EIA-in aylıq hesabatına istinadən verdiyi məlumata görə, bu il OPEC ölkələri üzrə gündəlik ortalama neft hasilatı 26,81 mln. barel olacaq. Bu, əvvəlki proqnozdan 0,34 mln. barel azdır.

Proqnoza əsasən, gələn il bu göstəricinin 27,99 mln. barel olacağı ehtimal edilir (ötən proqnoza əsasən, 28,2 mln. barel).

EIA-in hesablamalarına görə, 2020-ci ildə OPEC üzrə gündəlik neft hasilatı 25,59 mln. barel olub.