“ABŞ-la münasibətlərə yenidən baxmaq məsələsini gündəmə gətirməliyik”. Xalqcəbhəsi.az xəbər verir ki, bu fikirləri parlamentin bu gün keçirilən plenar iclasında çıxışı zamanı Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov deyib. Deputat əlavə edib ki, bu dəfə tamamilə başqa bir hadisə baş verib və biz bunu ciddi şəkildə təhlil etməliyik: “ABŞ beynəlxalq münasibətlər sistemində əsas faktor olan inamı, etibarını itirir. Biz, hərbi və digər istiqamətlərdəki əlaqələrə də yenidən baxmalıyıq”.