“Danimarkanın Kopenhagendə Avropa Siyasi Birliyinin 7-ci Zirvə toplantısı Azərbaycanın Avropada strateji rolunu bir daha ortaya qoydu. Zirvədə əsas mövzular Avropanın enerji təhlükəsizliyi, regional məsələlər və strateji tərəfdaşlıqlar olub, təqribən 50 ölkədən dövlət başçıları iştirak edib və Azərbaycan prezidenti İlham Əliyev görüşlərdə fəal iştirak edib”.

Deputat Elşad Musayev, XalqCebhesi.az-a müsahibəsində bildirib ki, İlham Əliyev Avropa İttifaqı Şurasının prezidenti Şarl Mişel, Avropa Komissiyasının prezidenti Ursula fon der Leyen, Moldova prezidenti Maya Sandu, Ukrayna prezidenti Volodimir Zelenski və Ermənistanın baş naziri Nikol Paşinyan ilə ikitərəfli görüşlər keçirib. Musayev xüsusilə vurğulayıb ki, Maya Sandu ilə görüşdə onu parlament seçkilərində qazandığı qələbə münasibətilə təbrik edən prezident, Zelenskidən Ukraynaya göstərilən humanitar yardıma görə təşəkkürünü alıb.

Millət vəkili qeyd edib ki, bu görüşlər Azərbaycanın Avropanın enerji təhlükəsizliyindəki rolunu və qaz, həmçinin yaşıl enerji potensialını ön plana çıxarır. Onun sözlərinə görə, gələcəkdə yaşıl enerji ixracı həm Azərbaycanın, həm də Avropanın xeyrinə olacaq. Deputat hesab edir ki, Kopenhagendəki görüşlər region və Avropa üçün strateji əhəmiyyət daşıyır və Azərbaycanın mövqeyini gücləndirir.

Günel Elxan