Yanvarın 29-da Voleybol Premyer Liqasının 22-ci həftəsinin oyunları çərçivəsində Urmu şəhərinin "Şəhrdari" voleybol komandası ilə Kirman əyalətinin "Fuladi Sircan" komandasının qarşılaşması olub.
Bu barədə idman mediası məlumat yayıb.

Məlumata görə, yerli vaxtla saat 15:00-da Urmu şəhərinin "Qədir" (Durnalar yuvası) salonunda 6 min tamaşaçı qarşısında keçirilən yarış 3-2 Azərbaycan təmsilçisinin qələbəsi ilə nəticələnib.

Bu qələbə ilə Urmu komandası mövsümün ikinci yarısında məğlubiyyətsizlik seriyasını davam etdirməklə yanaşı, turnir cədvəlində liderlik mövqeyini də möhkəmləndirib.

Yerli fəalların yaydığı video və məlumatlarda, qarşılaşma zamanı türk dilində milli şüarların səsləndiriıdiyi əks olunub.

Azərbaycanlı tamaşaçılar "Azərbaycan var olsun, istəməyən kor olsun", "Bakı, Təbriz, Ankara- Biz hara, farslar hara?"və başqa bu kimi şüarlar səsləndiriblər.