Çuy vilayətinin Dmitriyevka kəndində Qırğızıstan Daxili İşlər Nazirliyi və Milli Təhlükəsizlik Dövlət Komitəsinin (MTDK) xüsusi əməliyyatı zamanı silahlı terrorçu məhv edilib.

Trend-in məlumatına görə, bu barədə ölkənin Daxili İşlər Nazirliyindən məlumat verilib.

Bildirilib ki, Daxili İşlər Nazirliyi və Milli Təhlükəsizlik Dövlət Komitəsinin xüsusi bölməsinin əməkdaşları terrorçunun saxlanılması istiqamətində əməliyyat keçirib.
Saxlanılan zaman o, silahlı müqavimət göstərib. Xüsusi əməliyyat zamanı terrorçu Daxili İşlər Nazirliyi və MTDK-ın xüsusi təyinatlılarının əməkdaşları tərəfindən məhv edilib.

Hazırda Daxili İşlər Nazirliyinin əməliyyat-istintaq qrupu işləyir. Əlavə məlumat veriləcək.