ABŞ prezidenti Donald Tramp Hörmüz boğazının adının dəyişdirilərək "Tramp boğazı" adlandırılmasını təklif edib.

Xalqcebhesi.az xəbər verir ki, bu barədə Tramp Dallasda, ABŞ Konqresinə noyabrda keçiriləcək aralıq seçkiləri ərəfəsində hakim Respublikaçılar Partiyasının milli qurultayında çıxış edərkən bildirib.

"Düşünürəm ki, biz Hörmüz boğazını "Tramp boğazı" adlandırmalıyıq. Mən bundan nəsə əldə etməliyəm. Xanımlar və cənablar, bu belə adlanacaq. Mən bəyanatla çıxış edəcəyəm", - deyib.

Amerika prezidenti həmçinin ABŞ-nin İranla müharibədə qələbəsindən sonra neft qiymətlərinin düşəcəyinə əminliyini ifadə edib. Tramp Birləşmiş Ştatların dünya neft tədarükünün əhəmiyyətli hissəsinin keçdiyi Hörmüz boğazına nəzarət etdiyi barədə iddiasını yenidən səsləndirib.

Məryəm Quliyeva