Ukrayna İsveçlə təhlükəsizlik sahəsində əməkdaşlıq sazişinin bağlanması üzrə danışıqlara başlayıb.

APA-nın xəbərinə görə, bu barədə Ukrayna prezidentinin dəftərxanası məlumat yayıb.
Qeyd olunur ki, onlar prezident Vladimir Zelenski ilə İsveçin baş naziri Ulf Kristersson arasında baş tutuan son telefon danışığından irəli gələn məsələləri həll edəcəklər.

Danışıqlar üzrə Ukrayna nümayəndə heyətinə Prezident Aparatının rəhbəri Andrey Yermak başçılıq edir, lakin danışıqların bugünkü raunduna Prezident Aparatı rəhbərinin müavini İqor Jovkva rəhbərlik edib.