İsrailin zərbələri nəticəsində Livanın müxtəlif bölgələrində bir gündə ölənlərin ümumi sayı 70 nəfəri ötüb.

Bu barədə “Al Mayadeen” telekanalı ölkənin Səhiyyə Nazirliyinə istinadən məlumat yayıb.

Onun sözlərinə görə, ən çox qurbanlar Livan dağında (22 nəfər), Nəbatiyyə əyalətində (20 nəfər), Baalbek-Hermel bölgəsində və Bekaa vadisində (12 nəfər) qeydə alınıb. Ümumilikdə 400-ə yaxın livanlı müxtəlif dərəcəli xəsarətlər alıb. Ölən və yaralananların mülki vətəndaşlar, yoxsa şiə Hizbullah hərəkatının döyüşçüləri olduğu dəqiqləşdirilməyib. Daha əvvəl 51 qurban və 223 yaralı haqqında məlumat verilmişdi.

Cavid