Qərbi Afrika ölkələrindən olan Qanada M çiçəyi (mpox) virusuna yoluxma hallarının sayı 133-ə çatıb.
Xalqcebhesi.az xəbər verir ki, Qana Səhiyyə Xidmətinin (GHS) yaydığı açıqlamaya görə, ölkənin 10 vilayətinə bağlı 46 bölgədə M çiçəyi halları yayılmağa davam edir.
Bildirilir ki, son bir həftə ərzində 14 yeni yoluxma aşkarlanıb və bununla da may ayından bəri ümumi yoluxma sayı 133 olub.
GHS, bütün zəruri tədbirlərin görüldüyündən əmin olmaq üçün Səhiyyə Nazirliyi ilə sıx əməkdaşlıq etdiyini vurğulayıb.
Qana hökuməti bu il ilk dəfə 19 may tarixində 4 nəfərdə M çiçəyi virusu aşkarlandığını bildirmişdi.
Virusun yayılmasının qarşısını almaq məqsədilə hökumət yüksək risk qrupuna daxil olan insanlar üçün peyvənd kampaniyasına başlayıb.

Məryəm Quliyeva