Pakistanın müdafiə naziri Xavaca Asif ABŞ prezidenti Donald Trampın Pakistan-Əfqanıstan sərhədindəki münaqişənin həllində və İslamabad ilə Kabil arasında münasibətlərin normallaşdırılmasında mümkün vasitəçiliyini alqışlayıb.

Xalqcebhesi.az xəbər verir ki, o, bu barədə GeoTV-yə müsahibəsində deyib.

"Birinci səlahiyyət müddətində Tramp ölkələr arasında sülhün bərpası üçün səylər göstərdi və dünyada yeddi müharibənin sona çatması ilə bağlı danışıqlar apardı. O, sülh danışıqlarına rəhbərlik edən ilk ABŞ prezidentidir. Tramp Pakistan-Əfqanıstan müharibəsinin sona çatmasına kömək etməyə razılıq versə, şad olarıq", - deyib.

Məryəm Quliyeva