İsrail ordusu Suriyanın cənubundakı Quneytra əyalətinin bir neçə bölgəsini artilleriyadan atəşə tutub.

APA xəbər verir ki, bu barədə “Al Mayadeen” telekanalı məlumat yayıb.

Məlumata görə, əyalətdə yerləşən əl-Mantarah bəndinin yaxınlığında, eləcə də Mşeyrifə və Rasem əl-Kabu kəndlərinə mərmilərin düşməsi qeydə alınıb.

Günortadan sonra İsrail ordusuna aid təyyarələr Suriyanın cənub bölgələrinin üzərində intensiv kəşfiyyat uçuşları həyata keçirib.