Səudiyyə aviaşirkətləri üsyançı "Ənsar Allah" (husilər) hərəkatının hücumları fonunda Ər-Riyad beynəlxalq hava limanından onlarla təyyarəni təxliyə edib.

Xalqcebhesi.az xəbər verir ki, bu barədə "Wall Street Journal" (WSJ) qəzeti "Flightradar24" monitorinq servisinin məlumatlarına istinadən məlumat yayıb.

Bir həftə ərzində Ər-Riyad hava limanındakı təyyarələrin sayı 134-dən 38-ə enib. Qəzetin sərəncamında olan sığorta şirkətinin daxili hesabatına əsasən, beş təyyarə müxtəlif dərəcəli zədələr alıb, onların bir hissəsi istismardan çıxarılıb. Aviazərbələrdən sonra təyyarələrə dəyən ümumi ziyanın dəyəri 375 milyon dollar qiymətləndirilir.

Məryəm Quliyeva