Böyük Britaniya hökuməti Çernobıl Atom Elektrik Stansiyasındakı qurğuların təmiri üçün Ukraynaya 17 milyon funt-sterlinq (22,5 milyon dollar) ayrılması barədə sərəncam verib.

Xalqcebhesi.az xəbər verir ki, bu barədə Britaniya Nazirlər Kabinetinin mətbuat xidməti məlumat yayıb.

"Bu dəstək Çernobıl Atom Elektrik Stansiyasının bağlanma və ventilyasiya strukturunun bərpası, eləcə də onun istismar müddətinin uzadılması üçün vacib təmir işlərini maliyyələşdirəcək", - deyə məlumatda bildirilir.

Qeyd olunur ki, təmir işləri həm də "onilliklər boyu qoyulmuş beynəlxalq sərmayələri sarsıda biləcək" və uzunmüddətli ekoloji risklər yarada biləcək korroziyanın aradan qaldırılması üçün zəruridir.

Məryəm Quliyeva