Azərbaycanın baş infeksionisti Təyyar Eyvazov hamilə qadınlara vaksin vurulması məsələsinə aydınlıq gətirib.

Səhiyyə Nazirliyinin baş infeksionisti Təyyar Eyvazov “COVID-19, vaksinasiya və gigiyena” mövzusunda çıxışında deyib ki, hələ ki, hamilə qadınlara peyvənd vurulmur: “Bununla bağlı tədqiqatlar aparılmayıb. Amma məlumatlar var ki, vaksinin hamilə qadınlara heç bir təhlükəsi yoxdur və effektli olur. Burada söhbət inaktiv vaksindən gedir. İcazələr olduqdan sonra ola bilsin ki, hamilə qadınlara da vaksin vurulacaq”.