“Azərbaycan-Ermənistan sərhədində növbəti dəfə insident yaşanır. Ermənistan bu dəfə silahları Basarkeçər rayonunun Zod istiqamətindəki mövqelərindən Azərbaycan Ordusunun mövqelərinə qarşı tuşlayır. Bu, əsasən, Kəlbəcərlə sərhəd xəttindəki vəziyyətin gərginliyini təsvir edir”. Xalqcəbhəsi.az xəbər verir ki, bunu siyasi şərhçi Akşin Kərimov deyib. O, bildirib ki, ümumiyyətlə isə geniş mənada sərhəddə atışmalar, insidentlər davam edəcək, çünki birinci növbədə Azərbaycanın delimitasiyaya dair tələblər paketi Ermənistanı hərbisizləşdirəcək zəngin gündəmə əsaslanır: “İkincisi, regiondakı situasiyanı ələ alıb, onu yönləndirmək, idarə etmək üçün Rusiya ilə Qərb arasında qızğın mübarizə davam edir və Moskva İrəvanı cəzalandırma aktına məruz qoymaq üçün geniş gündəliyə malikdir”.