“Ötən həftə Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) keçirildi. Bəşəriyyətin gələcəyi ilə bağlı olan bu dünya miqyaslı tədbiri yüksək səviyyədə keçirdi. Bakıda keçirilən COP29 tədbirinin qlobal məsələlərə verdiyi töhfələr haqqında hələ çox danışılacaq”.
Xalqcəbhəsi.az xəbər verir ki, bunu Milli Məclisin bu gün keçirilən plenar iclasında çıxışı zamanı Milli Məclisin sədri Sahibə Qafarova deyib.
S.Qafarova bildirib ki, təbiri ən yüksək səviyyədə keçirməklə Azərbaycan istər regional, istərsə də qlobal səviyyədə öz mövqeyini möhkəmləndirdi: “Tədbirdə parlament görüşləri çərçivəsində 7 sessiya keçirilib. Tədbir zamanı Milli Məlislə Beynəlxalq parlament arasında əməkdaşlıq memorandumu imzalanıb. Bakıya gəlmiş bir sıra parlament sədrləri ilə çoxsaylı görüşlər keçirilib.

Xalqcəbhəsi.az