“Bir zamanlar Türk birliyinə xəyal kimi baxılırdı. Hələ 90-ci illərdə Türkiyənin mərhum Prezidenti Turqut Özal XXI əsri "Türk Əsri" olacağını bəyan edirdi. Özal uzaqgörən siyasətçi kimi Avrasiyada Türk millətinin bir güc mərkəzi kimi ortaya çıxacağını bilirdi”. Bu fikirləri AMEA Mərkəzi Elmi Kitabxananın direktor müavini, diaspor üzrə araşdırmaçı jurnalist Elnur Eltürk səsləndirib: “Bu gün həmin güc iqtisadi-siyasi və mədəni-sosial formada özünü göstərir. Ən əsası türk milləti də birliyi dəstəkləyir və arxasınca gəlir. Bu, birliyin hərəkətverici qüvvəsi Azərbaycan və Türkiyədir”.