Ərdəbilin Fədək Mədəniyyət Kompleksində üçüncü dəfə Beynəlxalq Aşıqlar Musiqi Festivalı keçirilib.

Gunaz.tv

Festivalda Güney Azərbaycanın müxtəlif vilayətlərindən qruplar, eləcə də Azərbaycan Respublikası, Türkiyə, Gürcüstan və İraqdan gələn qonaqlar çıxış ediblər.

Aşıqlar Güney və Quzey Azərbaycan tarixində həmişə mədəniyyət, müqavimət və sevgi rəmzi olub. Onlar türk millətinin ağrılarını, sevinclərini, arzularını şeir və musiqi vasitəsi ilə nəql ediblər.

Aşıq musiqisinin əsas qaynaqlarından olan Ərdəbildə belə bir festivalın keçirilməsi bu qədim irsin yaşadılması istiqamətində mühüm addımdır.