ABŞ Prezidenti Co Bayden Rusiya lideri Vladimir Putinlə danışıqlar aparmaq üçün şərtini açıqlayıb.

Trend xarici mediaya istinadən xəbər verir ki, Baydenin sözlərinə görə, Putin Ukraynadakı münaqişənin sona çatmasında “maraq nümayiş etdirərsə” onunla danışıqlar aparması mümkündür

"Cənab Putin... burada sözlərimi çox diqqətlə seçməliyəm. Əgər cənab Putin, həqiqətən də, müharibəyə son qoymaqda maraqlı olarsa, onunla danışmağa hazıram", - deyə Bayden qeyd edib.
Eyni zamanda, Bayden rusiyalı həmkarı ilə yaxın gələcəkdə təmaslar planlaşdırmadığını da açıqlayıb.

ABŞ Prezidenti əlavə edib ki, Moskva ilə danışıqlar müstəqil əsaslarla deyil, yalnız NATO ilə məsləhətləşmələr əsasında aparılacaq.