Qəzza hökumətinin media ofisinin direktoru İsmayıl es-Sevabite "İndiyə qədər 87 yardım maşını Qəzzaya daxil olub. Bu, 81 günlük blokadadan sonra ilk girişdir" deyib.

Xalqcəbhəsi.az “Anadolu” Xəbər Agentliyinə istinadən bildirir ki, Sevabite qeyd edib ki, yardım humanitar ehtiyacların ödənilməsi üçün beynəlxalq və yerli təşkilatlar vasitəsilə paylanmaq üçün göndərilib.

Digər tərəfdən, Qəzza Şəxsi Nəqliyyatçılar Dərnəyinin rəhbəri Nahid Şuhaybir açıqlamasında yardım daşıyan yük maşınlarının sayının 92 olduğunu bildirib. O, "TIRlardan 75-i cənub və mərkəzi bölgələrdəki fırınlara un daşıdı. Yardım Kerem Ebu Salim Sərhəd Qapısı vasitəsilə çatdırıldı" deyib.