Çinin cənub-qərbində yerləşən Guicou əyalətində bu həftənin əvvəlində baş vermiş güclü sel fəlakətindən sonra yağıntıların və su səviyyəsinin artması ilə əlaqədar yenidən fövqəladə vəziyyət elan olunub.

Xalqcebhesi.az xəbər verir ki, bu barədə Xinhua agentliyi məlumat yayıb.

Məlumata görə, selin ciddi şəkildə təsir etdiyi Çiendunnan Miao və Donq muxtar prefekturasının Roncian qəsəbəsindən keçən Duliu çayında bu səhər suyun səviyyəsi 253,5 metrə çatıb. Bu isə sel üçün müəyyən olunmuş maksimal təhlükə həddi olan 251,5 metrdən yüksəkdir.

Buna görə, daha əvvəl azalan su səviyyəsi səbəbilə aşağı salınan fövqəladə vəziyyət rejimi yenidən ən yüksək – 1-ci səviyyəyə qaldırılıb.

Məryəm Quliyeva