Xəlil əl-Həyyə sağ qalıb, lakin onun oğlu və köməkçisi öldürülüb.

APA xəbər verir ki, bunu HAMAS-ın siyasi bürosunun üzvü Suheyl əl-Hindi “Əl-Cəzirə”yə verdiyi açıqlama zamanı deyib.

Əl-Hindi bildirib ki, ABŞ prezidenti Donald Trampın atəşkəs təklifini müzakirə etmək üçün toplaşan əl-Həyyə və digər HAMAS liderlərinə qarşı sui-qəsd cəhdi uğursuz olub.

Lakin hücum nəticəsində əl-Həyyənin oğlu Həmmam və onun ən yaxın köməkçilərindən biri öldürülüb. Əlavə olaraq, daha üç cangüdənlə əlaqə kəsilib.

Qeyd edək ki, İsrail Qətərin paytaxtı Dohada HAMAS üzvlərinin olduğu obyektlərə aviazərbələr endirib.