Ankara Baş Prokurorluğu sosial şəbəkələrdə silahla paylaşım edən şəxslərə qarşı istintaq başladıb.

APA Türkiyə mediasına istinadən xəbər verir ki, araşdırma çərçivəsində polis sosial mediada silahla atəş açaraq görüntüləri paylaşan və bir-birinə meydan oxuyan şəxsləri müəyyənləşdirib.

Səhər saatlarında xüsusi təyinatlı polis dəstəyi ilə müəyyən ünvanlara keçirilən əməliyyat nəticəsində, müxtəlif cinayətlər üzrə qeydiyyatı olan 23 şübhəli saxlanılıb.

Əməliyyat zamanı 8 ədəd sənədsiz tapança da götürülüb.