Fransa Prezidenti Emmanuel Makron BƏƏ və Bəhreyndən Fransa bazarı üçün hər ay dizel yanacağının tədarük olunması barədə razılıq əldə edib.

Xalqcebhesi.az xəbər verir ki, bu barədə çərşənbə qanunvericiliyi çərçivəsində "Le Figaro" nəşri Yelisey sarayına istinadən məlumat yayıb.

"BƏƏ ayda 100 min ton, Bəhreyn isə daha 100 min ton dizel ayıracaq", - deyə Fransa liderinin dəftərxanasındakı mənbə nəşrə bildirib. Bu yanacağın "Fransa bazarının maraqları üçün" istifadə olunması planlaşdırılır.

"Le Figaro" xatırladır ki, bundan əvvəl Makron oktyabr və noyabr ayları ərzində Səudiyyə Ərəbistanından 95 min ton dizelin tədarük edilməsi ilə bağlı razılıq əldə etmişdi.

Bu həftə Fransa prezidenti Körfəz ölkələrinə səfər edir.

Makronun ətrafındakı şəxslər, həmçinin "Le Figaro"ya bildiriblər ki, yaxın vaxtlarda Qətərdən dizel yanacağının tədarükünə dair razılaşmaların əldə olunacağı gözlənilir.

Məryəm Quliyeva