ABŞ Konqresinin Nümayəndələr Palatası ölkənin müdafiə büdcəsinə "F-16" qırıcılarının Türkiyəyə təhvil verilməsi üçün tələbləri sərtləşdirən dəyişikliyi təsdiqləyib.

Sənədin mətni Amerika qanunverici orqanının aşağı palatasının saytında dərc olunub.

Demokrat Kris Pappas tərəfindən təklif edilən düzəliş ABŞ prezidentinin texnikanın bu cür gönədirlməsinin milli maraqlara cava verdiyini barədə təsdiqini Konqresə təqdim edənə qədər ABŞ administrasiyasına yeni "F-16" qırıcılarının və ya onların modernləşdirilməsi üçün komponentlərin Türkiyəyə satışını və ya ixracına icazə verməyi qadağan edir.
Dəyişikliyin lehinə 244 qanunverici, əleyhinə 179 deputat səs verib. Nümayəndələr Palatasının növbəti maliyyə ili üçün (ölkədə oktyabrın 1-də başlayır) müdafiə büdcəsinin layihəsi üzrə cümə axşamı axşam saatlarında səsvermə keçiriləcəyi gözlənilir.