ABŞ ordusu 2023-cü ilin noyabrında Yəmənin üsyançı Ənsar Allah (Husi) hərəkatı tərəfindən ələ keçirilən İsrailin “Galaxy Leader” gəmisinə zərbələr endirib.

Bu barədə üsyançıların nəzarətində olan Al Masirah telekanalı məlumat yayıb.

Amerika husilər tərəfindən saxlanılan “Galaxy Leader
İsrail gəmisinin kapitanının kabinəsinə iki zərbə endirib”, – telekanalın mənbələri iddia edir.

Xatırladaq ki, 2023-cü il noyabrın 19-da Qəzza zolağında münaqişənin şiddətlənməsi ilə əlaqədar husilər Ədən körfəzi sularında “Galaxy Leader" yük gəmisini İsraillə əlaqəsi olduğunu bəhanə edərək ələ keçiriblər. Gəmi yedəklə Yəmən sahillərinə aparılıb və ekipaj saxlanılıb.

İsrail hakimiyyəti gəminin ona aid olduğu barədə məlumatları təkzib edib. Bu il yanvarın 22-də üsyançılar Fələstinin HƏMAS hərəkatı ilə koordinasiya və Omanın vasitəçiliyi ilə gəminin heyətini azad ediblər.

Cavid