“Bütün ictimai iaşə obyektlərində oturacaqlar sosial məsafəyə uyğunlaşdırılmalı, ehtiyac olmadıqda evdən çıxılmamalıdır”.
Bunu bü gün Nazirlər Kabineti yanında Operativ Qərargahın Azərbaycanda xüsusi karantin rejiminin müddətinin mayın 31-dək uzadılmasına həsr edilmiş mətbuat konfransında TƏBİB-in İdarə Heyətinin sədri Ramin Bayramlı deyib.
O qeyd edib ki, xüsusi karantin rejimi yumşaldılsa və gələcəkdə aradan qaldırılsa belə qaydalara ciddi əməl olunmalıdır.
“Bütün qərarlar epidemioloji vəziyyətə əsasən dəyişə bilər”, - deyə TƏBİB-in sədri vurğulayıb.