“Ermənistanın Azərbaycana qarşı törətdiyi cinayətlərlə bağlı 297 nəfər axtarışa verilib” Siyasət

“Ermənistanın Azərbaycana qarşı törətdiyi cinayətlərlə bağlı 297  nəfər axtarışa verilib”

Xanlar Vəliyev: "Lakin onların heç biri tutulmayıb"

"Beynəlxalq cinayətlərin qarşısının alınması və onları törədən şəxslərin cəzalandırılması haqqında" qanun layihəsinnin Azərbaycanda qəbul olunmasını şərtləndirən amillər var". Bunu Baş prokurorun müavini, Azərbaycan Respublikasının Hərbi prokuroru Xanlar Vəliyev Parlamentdə sözügedən qanun layihəsinin təqdimat mərasimində çıxış edərkən deyib. Hərbi prokuror vurğulayıb ki, Ermənistan tərəfindən 1988-1992-ci ilər ərzində ölkəmizə qarşı həyata keçirilən qətliam təkcə Xocalı deyil, bu müddət ərzində digər yaşayış yerlərində kütləvi soyqırımlar həyata keçiriblər. Qanun layihəsi haqqqında fikirlərini bildirən X. Vəliyev söyləyib ki, layihə qısa müddət ərzində, müxtəlif ölkələrin təcrübəsindən geniş istifadə etməklə, ölkəmizdə mövcud durum nəzərə alınaraq hazırlanıb: " Layihə prokurorluqda öyrənilib. Layihənin redaktor, yaradıcılıq texnikası və digər məsələlərlə bağlı təklifərimiz var. Layihənin bütün maddələrində hərbi cinayətlər ifadəsindən istifadə olunur. Lakin hesab edirəm ki, bu ekvalent kimi qəbul olunmalıdır. Burada hərbi sözü yerinə müharibə sözündən istifadə olunaraq, bütün maddələrdə müharibə cinayətləri ifadəsi işlənməlidir".
Layihədə digər dəyişiklərlə bağlı təkliflərini irəli sürən hərbi prokuror ümumilikdə qanun layihəsinin Azərbaycan üçün lazımlı olduğunu dilə gətirib. X. Vəliyev qeyd edib ki, bu günə qədər Ermənistanın Azərbaycana qarşı törətdiyi cinayətlərlə bağlı 297 nəfər axtarışa verilib, onların barəsində həbs qərarı çıxarılıb: "Lakin onların heç biri tutulmayıb. Təbii ki, bunun da səbəbi ikili standartlardır. Beynəlxalq İnterpol təşkilatı da eyni münasibəti sərgiləyir".