"Lapşin məsələnin İsrail-Azərbaycan münasibətlərinə mənfi təsiri olmayacaq". Bu fikri politoloq Vüqar Zifəroğlu qeyd edib. O bildirib ki, İsrailin Rusiya ilə müqayisədə daha yetkin və məsafəli davranmağının səbəbi Azərbaycanın Lapşinlə bağlı məsələ də haqlı olmasıdır: "Biz bir dövlət olaraq beynəlxalq ictimaiyyətə bir daha Qarabağla bağlı mövqeyimizi sərgiləmiş olduq. İşğal altında olan ərazilərimizə istənilən səfər qanuna ziddir və dövlətimiz bu məsələdə prinsipial mövqeyni hər zaman ortaya qoyub. Lakin göründüyü kimi, Lapşin məsələsində manipulyasiya edən və İsrail-Azərbaycan münasibətlərini də hədəf alan kifayət qədər maraqlı tərəflər var".
Politoloq hesab edib ki, onlar istədiklərinə nail ola bilməyəcəklər.
O əlavə edib ki, hətta İsrailin bir sıra aparıcı media orqanlarında belə Lapşinlə bağlı Azərbaycanın mövqeyinin haqlı olduğunu ortaya qoyan münasibət oldu.