Millət vəkili Qənirə Paşayeva Lüksemburqun bərabər imkanlar naziri Lydia Mutschla görüşüb. Görüş zamanı millət vəkili Azərbaycanın bütün istiqamətlərdə Lüksemburqla əməkdaşlığın inkişafına önəm verdiyini deyib.
Azərbaycan parlamentinin Lüksemburqla əlaqələrin, dostluğun inkişafına verdiyi böyük önəmdən danışan millət vəkili əməkdaşlığın genişlənməsinin vacibliyinə toxunub, bu istiqamətdə münasibətlərin getdikcə artmasının məmnunluq yaratdığını deyib.
Millət vəkili Lydia Mutscha Azərbaycanda qadınların cəmiyyətdə rolunun artırılması istiqamətində görülən işlər və xüsusilə Azərbaycan həqiqətləri ilə bağlı məlumatlar verib.
Daglıq Qarabağ münaqışəsi ətrafında son vəziyyətdən danışan millət vəkili onlara Ermənistanın işğal etdiyi Azərbaycan torpaqlarında törətdiyi vandalizm aktları ilə bağlı məlumatlar verib.

Millət vəkili deyib ki, dünyanın harasında yaşamasından asılı olmayaraq bütün qadınlar, xüsusilə də beynəlxalq aləmdə nüfuzlu qadınlar Ermənistanın törətdiyi bu kimi vandalizm aktlarına, körpə uşaqları qətlə yetirməsinə, yüz minlərlə azərbaycanlı qadının Ermənistan tərəfindən pozulmaqda davam edən fundamental insan haqlarına laqeyd qalmamalı, buna qarşı öz etiraz səsini ucaltmalı, azərbaycanlı qaçqın və məcburi köçkün qadınların öz ev-eşiklərinə dönməsi üçün səylərini artırmalıdırlar.
Lydia Mutsch da öz növbəsində iki ölkə arasında münasibətlərin getdikcə daha da surətlə inkişaf edəcəyinə inandığını vurğulayıb.