3 tondan artıq narkotik aşkarlanıb

İsmayıllı rayonunda narkotiklərlə bağlı əməliyyat keçirilib.
İsmayıllı rayon polis şöbəsi tərəfindən Xanağah və Cülyan kəndi ərazilərindən yabanı halda bitmiş, ümumi çəkisi 2 ton 980 kiloqram olan 3400 çətənə kolu aşkar edilərək məhv edilib.
Daha bir əməliyyat Balakən rayonunda keçirilib. Balakən rayon polis şöbəsinin əməliyyat-axtarış tədbirləri nəticəsində Qullar kənd sakini Ruslan Ağcayevə məxsus həyətyanı sahədən kultivasiya yolu ilə yetişdirilmiş, ümumi çəkisi 207 kiloqram 947 qram olan 154 çətənə kolu və həyətindəki yardımçı otaqdan 2 kiloqram 782 qram marixuana aşkar edilib.
Lənkəranda da narkotiklərlə bağlı əməliyyat keçirilib. Girdəni kənd sakini Sirac Rəhmanova məxsus həyətyanı sahədən kultivasiya yolu ilə yetişdirilmiş, ümumi çəkisi 18 kiloqram 550 qram olan 30 çətənə kolu və həyətindəki yardımçı otaqdan 1 kiloqram 100 qram marixuana aşkar edilərək götürülüb.