Üzeyir Cəfərov: "Bu onlara Azərbaycanla silah almaq yarışmasında heç bir uğur gətirməyəcək"

2013-cü ildə Rusiyanın Azərbaycana və Ermənistana satdığı hərbi texnika və silahların siyahısı açıqlanıb. Rusiyanın BMT-yə təqdim etdiyi hesabatda bildirilir ki, rəsmi Moskva ötən il Azərbaycana 10 tank, 10 piyada döyüş maşını (BMP), 438 müxtəlif artilleriya sistemi və 25 hərbi vertolyot satıb. Həmin il Rusiya Ermənistana 35 tank, 110 BMP, 50 reaktiv yaylım atəş sistemləri və 200 müxtəlif təyinatlı raket satıb. Hesabatdan göründüyü kimi 2013-cü ildə Rusiya Ermənistana Azərbaycandan daha çox silah və hərbi texnika satıb. Onu da bildirək ki, rəsmi Moskva Bakıya satdığı silahları İrəvana göndərdiyi silahlardan baha qiymətə satıb.
Məsələyə münasibətini açıqlayan hərbi ekspert Üzeyir Cəfərov diqqətə çatdırdı ki, son günlər mətbuatda Rusiyanın Azərbaycana və Ermənistana satdığı silahlarla bağlı çoxlu müzakirələr başlayıb: "Bu da təbiidir. Çünki, reginoda olan gərginliyin fonunda belə xəbərlərin gündəmə gəlməsi istər-istəməz insanlarda bir narahatçılıq doğurur. Amma, Rusiya üçün bu qətiyyən fərq etmir. Çünki, onlar gözəl anlayırlar ki, iqtisadi vəziyyətlərinin düzəlməsi üçün silah-sursat alış-verişi nə qədər çox olarsa, bir o qədər yaxşı olar. Satılan silahların müqayisəsini aparsaq, görərik ki, bu daha çox hücum əməliyyatlarını həyata keçirmək üçün silahlardır, ağır texnikadır. Müharibə vəziyyətində olan iki Cənubi Qafqaz ölkəsinin ordularını müqayisə edəndə, sözsüz ki, üstünlük Azərbaycanın tərəfindədir. Bu son 5 ildə aldığımız ən müasir döyüş texnikalarında da özünü göstərməkdədir. İqtisadi amil də burada özünü göstərir. Ermənistanın bundan sonra bir neçə il çalışması da bu onlara Azərbaycanla silah almaq yarışmasında heç bir uğur gətirə bilməyəcək. Baxmayaraq ki, Rusiya tərəfi davamı şəkildə onları silahlandırır və Gümrüdəki 102-ci bazasından çıxartdığı silah və sursatları təmannasız olaraq ermənilərə verir. Hesab edirəm ki, ciddi narahatçılığa heç bir əsas yoxdur".

Əli