Azərbaycan Türkiyə ilə çoxşaxəli əməkdaşlığını daha da genişləndirmək niyyətindədir.

Bunu iqtisadiyyat naziri Mikayıl Cabbarov Azərbaycan-Türkiyə iqtisadi əlaqələri barədə "dəyirmi masa" zamanı deyib.

O bildirib ki, Azərbaycan-Türkiyə münasibətləri ən yüksək səviyyəyə çatıb:

"Əvvəlki illərdə ticarət dövriyyəsində artım müşahidə edilməsinə baxmayaraq, pandemiyanın qlobal ticarətə, ölkələr arasında ticarətə mənfi təsiri ilə əlaqədar 2020-ci il ərzində ticarət dövriyyəsi 8 faiz azalıb və 4,2 milyard dollara bərabər olub. Əminəm ki, həyata keçirəcəyimiz birgə işlər, həmçinin ötən ilin fevralın 25-də imzalanmış Preferensial Ticarət sazişinin bu il qüvvəyə minməsi ticarət əlaqələrimizin artımına töhfə verəcək. Bu ilin sonuna qədər biz 2019-cu ildə əldə etdiyimiz rəqəmlərdən daha üstün bir ticarət həcminə çatacağıq”.

(Tərcümə: Orxan Nəbiyev)