“Enerji siyasəti həm də qlobal siyasətin bir tərkib hissəsidir. Azərbaycan bu istiqamətdə aktiv fəaliyyət yürüdən bir dövlətdir”. Bunu xalqcəbhəsi.az-a açıqlamasında Müasir İnkişaf Birliyinin sədri, siyasi şərhçi Mübariz Göyüşlü deyib. O, bildirib ki, biz, istər Avropanın, istər digər bölgələrdə bizimlə əməkdaşlıq edən ölkələrin etibarlı enerji partnyoruyuq: “Azərbaycan hər bir istiqamətdə olduğu kimi enerji siyasətində və enerji sahəsində də çox ciddi layihələrə, proseslərə imza atmaqdadır. Cənub Qaz Dəhlizi də bizim növbəti uğurlu proyektlərimizdəndir. Bu proseslər elə gerçəkləşdirilməlidir ki, ekoloji tarazlıq pozlulmasın. Artıq ölkəmizdə ekologiya və ekoloji tarazlıq məsələlərinə xüsusi diqqət və həssaslıq var. COP29-un ev sahibi kimi biz bu məqamlara xüsusi diqqət ayırırıq. Ekoloji təmiz yanacaq, iqlim dəyişikliklərinə qarşı mübarizə aparmaq, enerji siyasətində və təminatında aktiv iştirak etmək və s. kimi önəmli məsələlər ölkəmiz üçün vacib istiqamətlərdir. Azərbaycan Cənub Qaz Dəhlizi vasitəsilə də bu proseslərə yeni nəfəs və təkan vermiş olacaq”.

Əli