Tokayev Azərbaycana gələcək Siyasət

Tokayev Azərbaycana gələcək

Qazaxıstan Prezidenti Qasım-Jomart Tokayev Azərbaycana səfər edəcək.
APA-nın əldə etdiyi məlumata görə, Q.J.Tokayev bu ilin oktyabr ayında Bakıda keçiriləcək Türkdilli dövlətlərin Əməkdaşlıq Şurasının sammitində iştirak etmək məqsədilə Bakıya gələcək.
Bu, prezident kimi onun Azərbaycana ilk səfəri olacaq.
Qeyd edək ki, Qasım-Jomart Tokayev iyunun 9-da Qazaxıstanda keçirilən növbədənkənar prezident seçkilərində 71 faiz səslə qalib gəlib.